Ħarsa ġenerali:

It-Taqsima hija responsabbli għall-arranġamenti loġistiċi għall-pazjenti li jeħtieġu kura barra minn Malta. Il-pazjenti jistgħu jiġu riferuti taħt protokolli differenti, jiġifieri, jew taħt il-Ftehim Bilaterali bejn ir-Renju Unit u Malta li ilu jeżisti jew skont ir-Regolamenti tal-UE (Rotta S2) jew il-Ftehim mal-ISMETT (Palermo).

Is-servizzi offruti permezz ta’ dan il-programm huma kkunsidrati bħala estensjoni għas-servizzi li qed jiġu offruti lokalment. Każijiet riferuti barra minn xtutna jeħtieġu tagħmir speċjalizzat u interventi speċjalizzati ħafna li jistgħu jiġu offruti fi ftit ċentri barra minn Malta.

Madankollu l- Ministeru għas-Saħħa qed jesplora kontinwament oqsma fejn tinvesti u tiżviluppa trattament speċjalizzat f’Mater Dei sabiex jitnaqqas in-numru ta’ pazjenti li qed jiġu riferuti barra minn Malta. Dan bil-għan li jitnaqqas il-piż u t-tbatija li jgħaddu minnhom il-familji meta jkollhom jitilqu minn Malta għall-kura.